2017 жылдың 10 қазаны күні Л.Н. Гумилев атындағы ЕҰУ ғылыми кітапханасында «ЛАНЬ» ЭКЖ баспасының семинары өтті. Семинарды «ЛАНЬ» баспасының бас директоры Никифоров Александр Владимирович өткізді.
Семинарда «ЛАНЬ» ЭКЖ-ның жаңа технологиялары кітапхана мен университет оқытушылары қызметіндегі қолдану мүмкіншіліктері көрсетілді. Семинар барысында ол жалпы ақпарат беріп, қызмет түрлерін, порталды пайдалану тәсілдерін және т.б. түсіндірді. Сондай-ақ инклюзивті білім беру технологияларын қолдану мәселелері де назардан тыс қалмады.
Семинарға әр түрлі мамандықтың оқытушылары, магистранттары, студенттері және кітапханашылар қатысты. Семинар соңында Александр Владимирович барлық қатысушыларды сертификаттармен марапаттады.